امسك كوباية الشاى فى ايدك كده و تعالى نحسبها مع بعض

قبل اى حاجة حط اعصابك فى التلاجة

و خليك رويح و فوت

هتكلم عن ماتشنا مع غانا

انا مش هفتى كتير انا هحسبها بس

احنا عايزين 5 اجوان فى 90 دقيقة

بمعدل هدف كل 18 دقيقة

طيب ال90 دقيقة دول ايه نظامهم

الوقت الفعلى لاى مباراة بيكون من 60 ل 70 دقيقة

طبعا مالناش دعوة بالدورى الانجليزى

و فى الماتشات الكبيرة و الحاسمة بيكون اقل من ال60 كمان

طيب فى الماتشات الكبيرة الفرص ام

بتبقى فرصة كل 10 دقايق تقريبا

و لو انت فريق فشيخ هتبقى فرصة كل 5 دقايق

يعنى احنا لو لعبنا جامد اوى هنعمل حوالى 7 فرص للتسجيل

احنا و شطارتنا بقى فى استغلالهم

لو ضيعنا فرصة واحدة هتفرق معانا

طب نلعب ازاى بقى مع الناس دى

احنا الحمد لله بنعرف نلعب مع الافارقة اوى عكس شمال افريقيااول حاجة نصغر مساحة الملعب

يعنى خط الدفاع بتاعنا يبقى عند دايرة النص و الهجوم عند ال18

زى برشلونة فى عزه لما كان بيوقف قلبين الدفاع عند النص و يخلى الملعب 40 ياردة بس

تانى حاجة الكورة هى اللى تتحرك مش احنا يعنى مانخشش فى سباق جرى مع حد منهم علشان هنتفضح

تالت حاجة تعريض الملعب بعنى ان وليد سليمان ومحمد صلاح يبقو واقفين عند خط الاوت علشان يفضو القلب و يفتحو لنفسهم مساحات

رابع حاجة و اهم حاجة لازم اللعيب قبل ما ياخد الكورة يبقى عارف هيعمل فيها ايه هيشوط ولا يباصى و لا هيرفع لازم سرعة القرار

********************

نتكلم بقى على شوية امثلة

1) ميلان و ليفربول نهائى دورى الابطال 2005 بعد تقدم ميلان 3 فى شوط رجع الليفر فى الشوط التانى

يعنى نيستا و كافو و ستام و مالدينى دخل فيهم 3 فى شوط

2) ارسنال و ريدنج 4/0 لريدنج فى شوط

الشوط التانى 4/4 و لعبو وقت اضافى و خلص الماتش 7/5 للارسنال

3) ارسنال و نيوكاسيل 4/0 لارسنال فى شوط و انتهت المباراة4/4

**********

فى بقى حاجات حلوة فى الاتش ممكن تساعدنا

طبعا الملعب و الجمهور

نلبسهم انذارات و ضربات جزاء و ياسلام لوطرد و ضربة جزاء فى اول 10 دقايق