هنفوز 5 - 0 و يمكن أكتر بسبب :
# إن فريق مصر هيلعبوا من أول دقيقه وفى تفكيرهم إنهم مغلوبين 5-0 ولازم يعوضوا فهيلعبوا بروح آخر 5 دقايق من أى مباراة مصيريه.
# يعنى لو عملو كل 3 دقايق هجمه متقنه يسجلو عالأكثر هدف كل 5 هجمات يعنى هدف كل 15 دقيقه على أكثر تقدير..يعنى الماتش ممكن يخلص 6 - صفر
# فريق غانا هيعملوا فاولات كتير وهياخدوا إنذارات و ينطرد منهم لاعب أو إتنين لأنهم هينفعلوا كتير وهيفقدوا أعصابهم و ده هيسهل تسجيل أهداف لمصر
# هنلعب بالطريقه اللى لاعبنا بيها البرازيل ..ولازم منفقدش الكوره والتمريرات تبقى بالمسطرة مع التركيز و عدم التسرع
# هيحضر الماتش حشد جماهيرى محصلش فى التاريخ المصرى هيزلزلو الأرض تحت رجلين لاعيبة غانا
# هنجيب الحضرى و الصقر أحمد حسن عشان نرفع معنويات لاعيبة مصر..وممكن أحمد حسن يخطف هدف من ال 5 أهداف بطريقه ذكيه و خبره.. (وجود أحمد حسن = هدف أكيد لمصر إن شاء الله)
# حارس مرمى غانا مش قد كده ..عايز له كام شوطه صاروخ من حسنى عبد ربه, على كام حركة سحريه من محمد صلاح, على كام لمسه فنيه من أبو تريكه
# أتمنى إن المعلم حسن شحاته والكابتن شوقى غريب يكونوا موجودين الفترة اللى جايه جنب اللاعيبه فى تدريباتهم و جنبهم فى الاستاد يوم 19 نوفمبر عشان يرفعوا الروح المعنويه لللاعيبه
و ربنا معانا